السلام عليكم ورحمة الله وبركاته
أنا آسف فعلا إني اتأخرت في التهنئة بالمناسبة ده وده لظروف عندي فأرجو المعذرة وعايز أقولكم كل سنة وإنتم طيبين ويارب يعيد علينا كلنا رمضان والعيد كل سنة أحسن من اللى قبليها.
أنا عارف إن في ناس مختمتش القرآن وده أكيد وفي ناس مقدرتش تحصل كل اللى كانوا عايزين يعملوه في رمضان ولكن ده لا يمنع إنهم عملوا الشيء اللى يقدروا عليه وربنا بيقول في القرآن (فاتقوا الله ما استطعتم) فاللى مقدرش يعمل حاجة رمضان ده يحاول في رمضان يتدارك خطأه ويحاول من رمضان الجاي ينظم نفسه كويس بحيث إنه يعمل كل اللى نفسه يعمله.
وطبعا إحنا دلوقتي في العيد ولازم أقولكم كل سنة وإنتم طيبين بالمناسبة الجميلة ده ويارب ربنا يعيده علينا جميعًا بكل خير دائمًا وانتظروا بعد العيد بإذن الله مع انطلاقة المدونة ده بإذن الله في الدروس والإضافات اللى بإذن الله تصل لأذواقكم واللى تبسطكم بإذن الله.
والسلام عليكم ورحمة الله وبركاته.
No comments:
Post a Comment